ತಾನೇ ಬಿತ್ತಿದ

ಆಕಾಶದ ಎಲ್ಲೆಯಲ್ಲಿ

ಕಟಾವುಗಾರನ

ಅಂಗಿ ತೊಟ್ಟ ಹಕ್ಕಿ

ಅದರ ಹುಟ್ಟು ಹಾಕುವಿಕೆ.

ಮೌನ

ಅದರ ಒಡನಾಡಿ.

ಹಕ್ಕಿ ತಿರುಗಿ ನೋಡುತ್ತಿದೆ.

ಹಿನ್ನಲೆಯಲ್ಲಿ

ನಿಶ್ಚಲ ಅದರ ರೆಕ್ಕೆ

ನಿಶ್ಚಲ ಅದರ ಆಕಾಶ.

ಕಣ್ಣಲ್ಲಿ;

ಹಸಿವುಗಿಂತಲೂ ದೊಡ್ಡದು ರೆಕ್ಕೆ

ಹಸಿವುಗಿಂತಲೂ ದೊಡ್ಡದು ಪುಕ್ಕ.

ಕಣ್ಣಲ್ಲಿ;

ಪುಕ್ಕಕ್ಕಿಂತಲೂ ಚಿಕ್ಕ ಆಹಾರ

ಹಸಿವುಗಿಂತಲೂ ಚಿಕ್ಕ ಮಿಕ.

ಕಣ್ಣಲ್ಲಿ;

ಹಚ್ಚಹಸುರಿನ ಎಲೆಯ ಅಲುಗಾಟವಿಲ್ಲ

ಪ್ರವಾಹದ ಗುರುತುಗಳಿಲ್ಲ.

ಚಿಕ್ಕ ಭೂಮಿ

ಚಿಕ್ಕ ಲೋಕ

ಚಿಕ್ಕ ಆಕಾಶ

ಭಾರಿ ಹಸಿವು

ಸರಳ ಊಟ.

ಹಕ್ಕಿಯನ್ನು ನೋಡುವ ಕಣ್ಣಲ್ಲಿ;

ನನ್ನ;

ದೊಡ್ಡ ಲೋಕ

ದೊಡ್ಡ ಆಕಾಶ

ದೊಡ್ಡ ಹಸಿವು

ದೊಡ್ಡ ಮಿಕ.

ನಾನು;

ಬಿತ್ತದ ಭೂಮಿಯಲ್ಲಿ

ಬಿತ್ತದ ಆಕಾಶದಲ್ಲಿ

ಕಟಾವುಗಾರ

ಪುಕ್ಕದಿಂದ ಅಗಲಿದ,

ಹಕ್ಕಿಯವರೆಗೂ ತಲುಪದ,

ಬದುಕು.

     --ಮಲಯಾಳಂ ಮೂಲ : ರಾಜೇಶ್ ಚಿತ್ತಿರ

                     --ಅನುವಾದ : ತೇರ್ ಳಿ ಎನ್. ಶೇಖರ್